شيفروليه كابريس LTZ 2012 قير اوتماتيك بنزين الممشى: 166 ألف كيلو السلام عليكم ورحمة الله وبركاته، نظرًا لكثرة المكالمات و الاسئله الرجاء قراءة التفاصيل قبل التواصل. الرجاء التواصل برسالة نصية ولكم جزيل الشكر. انا مسافر قريب توني فحصت الموتر الفحص جديد والاستماره جديده. ابي ابيعه وهو بمكانه لاني ماعندي وقت اروح تجاريب او فحوصات او نقاشات عن السعر. نزلت سعر السيارة وحادها $18،000 غير قابل للتفاوض. على وضعه تجي تشتريه وننقل الملكيه والله يبارك لك. التواصل فقط للصامل على وضعه ولكم جزيل الشكر. 2012 شفروليه كابرس LTZ V8 ثمانية سلندر. السياره سواقتها كويسة بس يبيلها شغل السياره مرشوشه كامل وفيها دقات باماكن متفرقه ماشي 166,000 كيلو. مالك واحد شريتها اصفار وسافرت للخارج. استخدموها الاهل فتره تعلمو السواقه عليها وتعرضت الى حواث ورشوها كامل. اللي صبغها شغله مو مره والبويه حاليا مشهبه يبيلها رش وفيها دقات صغيره متفرقه بعدها جلست واقفه حول 10 سنوات. السيارة جربتها تشتغل محركات تروح وتجي وحرارتها كويسه بس راح تحتاج صيانات زيوت، تصفيه، الى آخره. والبدي للامانه تعبان مشهب وفيه دقات متفرقه كما ذكرت. على حسب علمي الشاصي سليم وفيها علامة ايرباق فقط الديكورات مافيها شي. انا ماعندي وقت ابحث بالاسئلة او اروح محلات فحص او تجريب اللي يبيها على وضعها يجي ياخذ الموتر الله يباركله. صورت مقطع فديو للسيارة اذا حاب ارسلك الفديو للتوضيح اكثر عشان ماتضيع وقتي و وقتك قبل لاتجي علمني وارسلك المقطع وشكرًا.