فورد اكسبيدشن 2013 قير اوتماتيك بنزين الممشى: 213 ألف كيلو  دبل ما شاء الله تبارك الله... الموتر نظييف جدًا واستخدام خفيف مركب عليه تليبسة داخلية على المراتب والأرضيه من وكالته حسب كلام المالك السابق. البدي شبه وكالة جاه حكه جهة السائق تأثر باب السائق واللي خلفة والرفرف شي بسيط تم سمكرة باب السائق فقط والباقي وكالة ومبين أثر الحكه. تم سمكرة الوجهية بسبب حادث تأثر الكبوت والرفارف والصدام وجسر صدام ووفرنا القطع كلها أصلية من التشاليح، ما عدا الرديتر تجاري جديد. كل شغل السمكرة كان في ورشة السكب بالقصيم من أفضل ورش السمكرة في المملكة. وباقي الصيانات اللاحقة للسمكرة كانت في ورشة خالد الشيبان، كذلك من أفضل ورش الصيانة في القصيم. مساعدات خلفية جديدة من شركة مونرو عليها ضمان سنه ينتهي 23/11/2025م. الموتر ما شاء الله تبارك الله شغل وأمش يحتاج شوي تلاقيط مثل برمجة كمبيوتر الإيرباق وأمور أخرى بسيطة ما تكلف 500 ريال. الموتر منووه للمستخدم ما شاء الله تبارك الرحمن نظييف والإستخدام خفيف المالك السابق رب أسرة، وإستخدامنا له للخطوط غالبًا. مناسب للخطوط وداخل المدينة خفيف ومتماسك، وبالبر نسم وعش ما شاء الله تبارك الله. يوجد صور قبل السمكرة لمن أراد الإطلاع عليها.