تويوتا برادو GX 2006 قير عادي بنزين الممشى: 300 ألف كيلو  دبل السلام عليكم ورحمة الله وبركاته أسعد الله أوقاتكم بكل خير ومبارك عليكم الشهر الفضيل أعاده الله علينا وعليكم بالخير واليمن والبركات للبيع تويوتا برادو 2006 ستاندر قير عادي دبل الممشى: 411+ ألف قابل للزيادة 4 سلندر 2.7L الفحص جديد فاحصه قبل أسبوع. الاستمارة سارية الملاحظات: - البدي كامل مرشوش من المالك السابق، ما عدا باب الشنطة. - فيه صوت إذا لفيت بقوة (إذا أخذت يوتيرن مثلاً) الظاهر أنه من العكوس. - المكيف الحار مفصول. - الكفرات مغيرها لها عشرة شهور تقريبا، ما عدا الكفر الأمامي يسار لها له شهرين. صار لي حادث قبل سنة تقريبا وانا جاي من الرياض انفجر الكفر الخلفي يسار، وغيرت عمود الكردان والدفرنس ووضبت المكينة، البودي ما جاه شيء. وقبل 4 شهور تقريبا وانا جاي من الرياض بعد، انشقت المكينة بسبب الحرارة، ووضبتها مرة ثانية. ومن ذاك الوقت صرت ما اروح الرياض أبد هههههه. - القير عندي ما وضبته أبدأ بس مدري عن الملاك السابقين. والمكينة حالياً وضعها ممتاز وما تشكي من شيء ان شاء الله. ولمبة المكينة ذي بعد الفحص طلع من حساس الشكمان. الموتر عموما ما يحتاج الا صيانات بسيطة ان شاء الله. هذا كل ما يخص الموتر وان شاء الله اني ما نسيت شيء. سبب البيع بسبب صرفيته العالية شوي وودي بموتر أصغر. الموتر على السوم وماني مستعجل على بيعه، ولا مانع من البدل المناسب بموتر سيدان متوسط (كامري، سوناتا.... الخ). التواصل على الخاص والسوم على العام ودمتم بخير،،،