LTZ 2004 قير اوتماتيك بنزين الممشى: 300 ألف كيلو السلام عليكم يا رجال انا كابرس بن شفر آل جي ام ابعرفكم عن نفسي اليوم. انا موتر امشي امور البيت واقضي مشاويرهم، بس الي شراني جحدني عشان موتر صيني عشانه يبي شاشة وغثى، مع ان مواصفاتي ممتازة على مديلي من كراسي كهرب وتخشيب ومرايات كهرب ومثبت سرعة وحركات. باقيلي شويات واوصل 317 الف كيلو وصامل ما شاء الله خن نشوف الصينية حقته ذي توصل الممشى ذا. انا محركاتي سليمة والشاصي حقي ما شاء الله نفسه من يوم ما طلعت من المصنع بس يبيلي نفض بطن خفيف عشان جار علي الزمن ولو تلمع داخليتي بس يا سلام. مشكلتي الوحيدة المزعجة هو ان مكيفي ما يشتغل، مروحتي تدور لكن الهواء الي يطلع خفيف وغريب اظن احتاج تنظيف فلاتر وفريون. يسبون صرفيتي عشاني 8 سلندر و 5.7 لتر مع اني توني مخلص من تصفية بواجي واسلاك بواجي، واكسر خشومهم وامشي 550 كيلو للفل الي ب 140 ريال. المالك الي قبل ذا كان مهملني وتاركني واقف عند بيته وجاء ذا الاجودي وحط علي 7000 ريال عشان يجددني فوق مشتراي عز الله انه رجال. حتى عداني بالفحص الدوري وجدد استمارتي قبل 3 شهور يعني اوراقي كلها جديدة. المشكلة بعد كل ذا التجديد يجي شريطي يسومني ب 8 آلاف بالمعارض وانا عارف ان قدري اكثر عندكم يا رجال. ان جت سومة اعلى ابقنع الي عارضني يبيع انت بس عطه سومتك وازهل الباقي. لا هنتم تواصلوا واتساب لأن ذا دوامه طويل واخبره يدخل هناك عند المكيف ويلطعني انتظره عند الشمس ولا قلت شي. عالعموم يكفي كلام عن نفسي ابي رجال مستخدم يعطيني اهتمام كافي زي عارض الاعلان.