جاكوار 2010
السلام عليكم اما بعد …
يوجد عندي جاكوار XFR للبيع :
الموديل : 2010
الممشى : 260 k
البدي : البدي الاساس وكاله لو ابيض تعرضت لحكه في باب السائق واللي خلفه وتم تحويل السياره بالكامل الى XFRS 2013 مع تغيير لون الموتر متصنفر ملمع جاهز .
البدي :
الاساس وكالة لكن تعرضت السياره لحكه في باب السائق والباب اللي وراه وتم رش السيارة بالكامل مع الدواخل بالكامل حتى حوض المكينة فرن بمواد جدا ممتازة “ debeer “ شامله البوية واللكر وتم عزل البدي بالكامل اوبوكسي قبل الرش .
المكينة :
8 سلندر ( 5.0 super charge ) منفوضة بالكامل مع وجود كل الفواتير عند مركز متخصص بتكلفه فوق ال 20 الف " عامود وسبايك زيرو شدة بلد " المكينة بدون مبالغة حتى مسامير السوبر مغيرها جميع كراسي المكينة تم تبديلها - طقم بواجي اصلي - علبة زيت دركسون اصلي مع ليات ( بالفواتير ) .
تبريد المكينة :
تم تطوير نظام التبريد من بلاستيك الى ألمنيوم بالكامل وطلبها من بريطانيا - تم تغير بلف الحرارة - جميع الليات أصلية وجميع ليان الضغط تم تطويرها الى ان تتحمل 300 PSI - طرمبة موية جديدة - قربة جديدة - كل ما يخطر في بالك تم تغييره اصلي وكاله - تم تغيير جمبه المبردات اصلي وكاله ( بالفواتير ) .
المكيف :
تم تغيير ثلاجة المكيف اصلية مع رديتر اصلي وتنظيف كامل الدورة بمبلغ يفوق ال 4 الاف ريال ( بالفواتير ) .
القير و الدفرنس :
شد بلد لا يوجد فيه اي مشكله .
التعديلات الميكانيكية :
عليه فلاتر شريحة - اكس بايب و داون بايب " شركة " - اكسل باك بريموت 3 انش مخارج بلاك كروم من بلاور كت - كفرات ون رن طقم - طقم سبيسرات طالبها من برا 15 مل ورا وقدام .
التعديلات الخارجية :
تحويل الكت الى XFRS ويشمل التالي : كبوت - رفرفين - شمعتين - كبوت - صدام امامي - باب شنطة - دفيوزر خلفي - طقم مرايات كاربون اصلي رياضي .
التعديلات الداخلية :
السيارة من داخل فل اوف وايت - التنده من داخل كنتارا اسود - الطاره كنتارا - احزمة حمراء - تم رش وتنجيد بعض القطع الداخليه للتناسق .
المواصفات :
فل كامل المواصفات المعروف ، تبريد تسخين - فتحه سقف شغاله بكل الوضعيات - حساسات امامي خلفي - تعشيق خلف المقود نقاط عمياء وخروج عن المسار وباقي المواصفات المعروفة - اغلبية قراطيس البلد موجوده .
الكهرباء :
تم فك الضفيرة بالكامل وإصلاح المتضرر منها " بحكم العمر " وتم عزلها والسياره مافيها عذروب واحد .
الموتر جدا ملفت ولا يوجد حد للبيع ولا يوجد مانع بالبدل واتمنى اللي يسوم يكون عارف قيمة الموتر والموتر غير مستعجل على بيعته ابدا اذا ما جاب حقه جالس استخدمه .
يوجد مع الموتر لوحة مميزة البيع معها او بدون " يتم الاتفاق على السعر "
ارجوا التواصل عن طريق الموقع او الواتس فقط : 0545519079
