ماكينة تطريز Ricoma TC1501 15 إبرة تصميم امريكي صناعة صينية المواصفات: مساحة تطريز 36سم في 52سم ماكينة تطريز Ricoma 1501، 15 إبرة، بحالة ممتازة، تصميم أمريكي شركة معروفه في السوق ولها اسمها وتقدر تبحث عنها والله خدمتهم اذا تعرف تتكلم انجليزي مافي زيها، اول مكينة لي وساعدوني في كل حاجة وفيه فيديوات كثير لها في اليوتيوب قص أوتوماتيك سرعة 1200 استخدام خفيف لمدة سنة ونصف بس مهتم بها زيت ياباني وقريس واشغلها من فترة لفترة حق لا تقعد بدون شغل فترة طويلة. شغالة 100% بدون أي مشاكل. المرفقات: 12 هوبس مقاسات مختلفة دوائر مستطيل الي تشبكها حق تطريز القبعات موجودة ومعها 2 حق تجهز القبعات وهي تطرز على الثالثة ستاند من الشركة نفسها هفي ستيل طاولتين تبعها حق التطريز. خيوط انواع وألوان، إبر بكل انواعها، مكينة تلف الخيط الي تحت (خيط البوبن)، زيت ياباني مع قلم زيت حق ماتكثر زيت في مناطق التزييت وقريس، ادوات حق تقيس الشد في الخيوط للجهتين الي فوق والي تحت (كلها تاجيما ياباني)، ورق تطريز الي ينحط ورا بكل انواعه والاحجام، قطع غيار زيادة ماستخدمتها بس موجودة للقطع الي تستهلك وتتغير مع الاستخدام من الوكالة نفسها. كل شي تحتاجه حق تبدأ بس برنامج التصميم (اقدر اعطيك الناس الي كنت اطلب منها خدمة التصميم ووين العدل ووين الي يمشي الحال) سبب البيع: التوظف والانشغال بإدارة متاجر أخرى. السعر: 16000 ريال سعودي. الموقع: القطيف والنقل علي بس اقدر اجيبها الدمام لو الخبر او الجبيل اي مكان قريب مني، اذا بعيد عليك النقل وعليك ضمان النقل، انا بشغلها لك واخليها تطرز التاريخ واي حاجة حابها بكل الابر قبل نقلها بيوم حق تتأكد ان شحنتها سليمة 100% (عندي سجل تجاري لو حاب تدفع اونلاين وتضمن حقك) للمزيد من التفاصيل أو التواصل، الرجاء المراسلة على الخاص.