لكزس ES 350 DD 2012 قير اوتماتيك بنزين الممشى: 300 ألف كيلو السلام عليكم ورحمة الله وبركاته.. للبيع سيارة لكزس es350 موديل 2012 فل كامل (تحليل كامل) - المالك الثاني السيارة على السوم والله يبارك للمشتري .. بطرح لكم كل شي يخص الموتر ابراء للذمة .. ببدأ بالمميزات: 1/ السيارة أعلى فئة في موديلها وتشمل: (دخول ذكي - تشغيل ذكي - تبريد وتدفئة المقاعد - حفظ وضعيات المقاعد- تحريك المراتب كهربائيا - الدركسون متحرك عند الاطفاء والتشغيل - سقف بانوراما مع الفتحة - مثبت سرعة - كاميرا خلفية - حساسات أمامية وخلفية .. الخ) 2/ أنا المالك الثاني منذ 2016 حتى الان ، وقيادتي مافيها سرعات عالية نهائيًا .. 3/ متوفر سجل مكتوب بجميع عمليات الصيانة وخاصة تغيير الزيت والسيفون موضح الممشى والتاريخ وقت التغيير . 4/ المكينة والقير ، لم تدخل اي ورشة بسببها ، الحمد لله 5/ خلال فترة من 2016 حتى الان ، الحمد لله الحوادث قليلة (مفصلة في السلبيات والصور) 6/ آخر سنتين تم تغيير الكفرات والمساعدات الأمامية فقط ولله الحمد لم تدخل اي ورشة خلال هذه الفترة 7/ ممشى السيارة مقارنة بعمرها جيد ، ماشية الان 300 ألف (قابلة للزيادة البسيطة) السلبيات: 1/ حصل عليها حادث من جهة باب الراكب الخلفي قبل كم سنة ، والان البويه في الباب تحتاج تغيير ، وايضا فيها بقع صغيرة من (البرد) وحكات بسيطة (بالصور موضحة) 2/ الوجهية قد تحتاج تغيير بسبب السافي وبهتان بعض الالوان. 3/ جلد المراتب يحتاج تغيير (من الشمس). ((سبب عدم تعديل السلبيات المذكورة لترك الخيار للمشتري في الاصلاح قطع أصلية أو درجة أولى حسب رغبته ، وايضا توضيحا وابراء للذمة)) سبب البيع: شراء سيارة جديدة. الموقع الأساسي للي حاب يشوفها: الأحساء ومافيه اشكال اذا كان المشتري صامل أوصلها له إلى ((الرياض أو الدمام)) فقط .. رقمي بعد البيع بيكون عندك ، لو عندك استفسارات او تحتاج نصيحة للسيارة ..