1997 قير اوتماتيك بنزين السلام عليكم ورحمة الله وبركاته اخواني زوار موقع حراج كنت استبعد فكرة ان يحسدك إنسان على رزق لا يستدعي الانتباه لكني بعد ماميزت مقامات الناس وأدركت أختلاف مراتبهم العقلية علمت أن الحاسد قد يحسدك حتى على اتزانك النفسي واستقرارك المعيشي وتدبيرك العقلي مع انه قد يملك رزقٱ أكثر منك فاللهم إنا نعوذ بك من شر حاسد اذا حسد وفي بعض الناس لو كان لديه تسعة وتسعون نعمة وانت عندك نعمة واحدة فقط سيحسدك عليها نعوذ بالله من شر ماخلق . . . . . . . . . . حبيت اخذ رايكم ياجماعة الخير ف شخص مستقعد لي من 7 سنوات في موتري وطول هالمده لم يكل او يمل تارك حياته ومركز ع حياتي يراقبني ويلاحقني وين ماروح حتى انفاسي يعرف كم اخذت شهيق وزفير الحمد لله الذي عافانا مما ابتلاه كسر مراية الموتر اكثر من مرة بل عدة مرات والتفحيط نهار رمضان والازعاج امام منزلي وقام بتلف تواير الموتر بوضع مسامير وتكسير عبوات الزجاج امام مدخل الموتر واخرها من اسبوعين قام بسرقة التمثال ومرفق الصورة للتوضيح والموتر واقف امام المسجد وقبل هذا كله قام بأتلاف موتر شخص عزيز علي متوقف امام منزله بالكتابة عليه كلمة تالف وتكسير زجاجه بنية تشليحه شخص عديم ضمير وانسانية مدري اش يحس فيه هذا الفاقد بس كلٱ يرجع لأصله ومرباه انا شخص مسالم وف حالي لا اذيته ولا بيني وبينه شي لكن الشخص حسود عدو القسمة اللي قسمها الله بين الخلق يناظر ف رزق غيره فاقد القناعة محتاج يتعالج من مرض الغيرة والحسد عشان دافع اذيته الحسد وعدم حب الخير للغير رغم انه يملك نفس الشيء بس دنيء نفس والمشكلة الأكبر عندما يتحول من حاسد مؤذي لسارق الشخص السوي هو من يتمنى الخير لغيره مايتجراء ويسرق حلال الناس الا شخص ملوث من الداخل ومتعود ع هالشي من قبل اعوذ بالله من النفوس المريضة وش راح تستفيد من أذية الناس وسرقتهم ياضعيف النفس بدال ماتراقب خلق الله وتأذيهم ف حلالهم وتحسدهم وتتمنى زوال النعمه عنهم راقب نفسك واصلحها من النقص اللي تحاول تسقطه ع غيرك ونضف قلبك المريض من الحسد والحقد والغل واتمنى لغيرك الخير عشان يجيك الخير نجاح غيرك ماراح يؤثر عليك والعالم يتسع للجميع ورحمة الله اوسع شملت كل شيء فالحقد والحسد أول من يأكل قلبك فمن حفر حفرة لأخيه وقع فيها التمثال اللي سرقته ماراح يرفع من قدرك ولا راح يعز من شأنك ولا راح يغنيك انت فعلٱ مثير للشفقة وليسا مثير للأهتمام وهذا هو قدرك الحقيقي ومستواك بس تذكر مايضيع حق عند رب العالمين اسأل الله العظيم رب العرش العظيم تلقاها ف صحتك واعز ماتملك حسبي الله ونعم الوكيل