فل كامل 2015 قير اوتماتيك بنزين الممشى: 300 ألف كيلو السلام عليكم ورحمة الله وبركاته كيا كادينزا 2015 فل اوبشن المواصفات المعروفة للوكيل ل فل اوبشن ممكن تشوفونه في الانترنت وارد الجبر مالك أول من الوكالة (في المرور مالك ثاني لان المستخدم الاول باسم الاهل) -البودي وكالة ماجاء له اي رش غير الصدام الامامي بسبب كسر ف الصدام حادث جدا بسيط فقط الصدام انشرخ وسويت له إصلاح والصدام الخلفي بسبب حادث بسيط ايضا ف الصدام الخلفي يسار ولا تضرر الا الصدام غيره ولله الحمد ماجاء له اي رش - الماكينة والقير محافظ عليهم ولله الحمد ما قد توضب او صار عليهم اي مشاكل -الصيانات مواضب عليها اول بأول مكينه وزيت قير غيرته 3 مرات على ممشى مختلف -بواجي كل 80 الف اغير وقبل كم شهر غيرت - كمبروسر غيرته بسبب انه عيب مصنعي واذا وقفت يحتر وركبت نوع كلتش السيارة وهي واقفة المكيف بارد الحمد الله - ركبت عليها تشغيل عن بعد وقفل للابواب والسيارة في وضع التشغيل ,بدون اي قطع واير او ترهيم فقط جهاز يركب قيمته ( 750 ريال ) الجهاز عليه كذا مميزات تقدرون تبحثون في النت عنه - ركبت عليه عدسات من محل الفاروق للإنارة قويه جدا ومدى الإضاءة عالي بتكلفة 2000 ريال وعندي الفاتورة ملاحظة : خاصية الإلتفاف الغيته بعد ماركبت العدسات عشان كذا ف لمبة ظاهرة في الطبلون - غيرت قبل سنه رديتر بسبب انه كان فيه تهريب منه , وبعد التغيير الحرارة ما ترتفع ابدا في عز الظهر والسيارة واقفه - ركبت عليها حماية امامية قبل شهرين مع تلميع كامل وتظليل امريكي جدا ممتاز عازل للحرارة ب 85٪؜ بتكلفة 2600 ريال مع وجود فواتير وضمان 10 سنوات وتلميع الواجهة الامامية مجانا كل 6 شهور - غيرت فحمات قبل شهرين وإطارات جديدة سنة 2024 ماركة مارشال بقيمة 2500 ريال - بطارية جديدة قبل شهر مغيرها والفاتورة موجوده - السيارة دائما واقفه داخل الكراج وماتتعرض للشمس كثير وعشان كذا المراتب والجلود ما تشققت - الفحص الدوري جديد واستمارة جديدة - التسارع وقوة المكينه جباااره ولله الحمد بسبب محافظتي على الصيانه العيوب - ماتخلوا من الحكات كما هو واضح في الصور وخليت الحكات مثل ماهي ولا صبغت السيارة - شرخ في الزجاج الامامي وعالجته ولا هو واضح الكسر الا اذا دققت - القير في نتعه اول ما تمشي ع سرعة 15-20 كيلو وبعده يختفي تماما بين فترة وفترة تحصل ولا اشتكيت منه فقط يحصل بشكل قليل جدا وتعشيقاته ناعمه -تهريب في صرة المكينه لها فوق 4 سنوات ولا فكرت اصلحها لان ماشاء الله لا تنقص زيت ولا ظهر لي ولا مره الزيت ناقص -تهريب في دودة الدركسون وينقص بشكل قليل وكل 6 شهور تقريبا اعبيه زيت الممشى كما موضح في الصورة 332060 وقابل للزيادة البسيطه *سبب البيع*: والله يشهد على كلامي مافكرت ابيعه الا بسبب عندي موتر ثاني تبع شركه ولا صرت استخدم الموتر وواقف في الكراج طول الوقت وفعلا موتر جبار وللحين مظهرة في الشارع يواجه ونظيف ولا قد اشتكيت منه بشي افضل موديل صنعته كيا للأمانه . السيارة شغل وامش، الي حاب يفحص حقه. آخر سومة ب 33 ألف واطلب من الله الزود