تويوتا لاندكروزر VXR1 2001 قير اوتماتيك بنزين الممشى: 1 ألف كيلو  دبل اعرض لكم جيب VXR موديل 2001 ممشى 586000 الف كيلو ، فحص الموتر جديد والاستماره تنتهي بتاريخ 06/09/1446 . حالة الموتر جيده للاستخدام ومعنا من الوكاله وصيانة القطع الاستهلاكيه بين فتره وفتره للاستخدام الدائم والموتر ولله الحمد مايشكي من شي بس يحتاج بعض التغييرات الاستهلاكيه حسب نتيجة الفحص الشامل . حالة البدي جيده ويوجد بعض الملاحظات الرفرفين الاماميه مرشوشات واحد منهم مغير والثاني مسمكر ، طرف الكبوت بالزاويه اليسار فيه سمكره بسيطه وقديمه صراحه ، وفيه تعديل في باب السواق والباب الخلفي اليمين ، وباب الشنطه فيه رش من الزوايا فوق عشان مكان الجناح الخلفي . المكينه حالته جيده جدًا ومفكوكه الروس لتغيير جلد البلوف وضبط حرارته للطبيعيه ، ومفكوك صدر المكينه عشان تغيير الجنزير الداخلي وكل 150 الف كيول يتم تغييره ، والكارتير مفكوك عشان تنظيفه فقط وحالتها جدا ممتازه الحمد لله . القير ممتاز وتغييراته ممتازه ، الدفرنس مغير فيه كارونه جديده اخذتها من الوكاله والحمد لله اموره تمام ، الدبل شغال الثقيل والخفيف ، الدفع الرباعي المستمر مفصول . داخلية الموتر جدًا نظيفه ولله الحمد مرفق تقرير الفحص الشامل الموتر انسام بمعارض حايل بـ33 الف ريال التواصل اتصال او واتس