السلام عليكم ورحمة الله وبركاته للبيع ڤولكس واجن باسات سي سي 2014 اللون: خارجي بني داخلي قماش بيج واسود الممشى: 167 ألف كيلو المواصفات: - 4 سلندر تيربو - لمبات LED وضباب - حساسات أمامية وخلفية - أوتو هولد - مساعد اصطفاف - ستائر خلفية - زجاج ومقاعد كهرباء - مثبت سرعة - فتحة سقف البودي وكالة من الصدام للصدام على كلام المالك السابق ولا فحصتها اخذتها على كلامه. أنا المالك الثالث للسيارة ولها معي سنة وشويه، السيارة تبارك الرحمن نشيطة، اقتصادية داخل المدينة، راسية وعزلها جيد في الخط. تم عمل عدة صيانات لها. عضلات عند العضيب، مكيف وميكانيكا عند مختصين ألماني (قوة العربة). صيانات آخر ثلاث أشهر: - تغيير كمبروسر - تغيير مروحة مكيف داخلية - تغيير سير مكينة - تغيير طرمبة بنزين - طقم كفرات جديد - بكرة دينمو الملاحظات: - أحياناً كاميرا الريوس ما تشتغل، ترجعها N وبعدين R تشتغل مباشرة. - أحياناً عند التغيير من نمرة 1 الى 2 تكون واضحة على عكس باقي النمر ما تحس بها، وديتها لأكثر من اخصائي قالوا السيارة طبيعية - قماش فتحة السقف مفقود من زمان، موجود في امازون وعلي اكسبرس في بحر ال 200 ريال - أحد ليات موية المساحات فيه تهريب السيارة طيبة ولله الحمد ومعتني فيها جداً، كامل عدتها مع الاستبنه موجودة بالاضافة إلى كتيبات الوكالة وعليها حماية من بست شيلد، تميل إلى أن تكون سيارة رياضية مناسبة جداً للشباب والعائلة الصغيرة. سبب البيع الرغبة بإقتناء سيارة عائلية أكبر. السوم 27 والحد 37 والسيارة تستاهل أكثر لكن عجل حبتين. التواصل على الخاص والله يكتب لي ولكم ما فيه خير..