2018 كيا كادينزا 2018 استاندر وارد الجبر ~~ نبذة عامة عن السيارة : انا المالك الثاني للسيارة وممشاه الحقيقي 250 الف لكن العداد مغير وركبت عداد الفل كامل، جميع اوراقها سارية وجاهزة للنقل ومهتم جدًا في السيارة اسبير وكالتها م نزل على الارض واغير زيت المكينة كل اربعة الاف كيلو وزيت القير كل 30 الف كيلو وماء الرديتر اعبي ماء بريستون الاصلي كل 20 الف كيلو، فواتير الصيانة جميعها موجودة في ملف خاص من عام 2018 لحد اليوم كل صامولة تغيرت موجودة عندي فاوتورتها، الموتر اسافر عليه كل مكان ولله الحمد وامسك عليه خطوط الفين كيلو كل شهر والامور طيبة بالحيل والبنزين م اعبي الا احمر ب 150 ريال الفل ويمشيني 800 كيلو ولله الحمد وعزم الموتر جبار بالحيل. ~~ 1 - البودي : وكالة بلمعتها م قد وقفتها بالشمس لكن الملاحظات الي فيها حكة بسيطة بالرفرف الامامي للراكب وفيه حكة لا تذكر في الرفرف الخلفي للراكب + السيارة تحتاج صدام امامي. ~~ 2 - المحركات : شد بلادها والمكينة م تنقص ابدًا وقبل م اغير الزيت دايم اعاير وسويت لها تصفية قبل شهر وغيرت كراسي المكينة والبواجي ونظفت الثلاجة ونظفت البخاخات والثروتل وحساس الهواء وغيرت ايضًا طرمبة البنزين ونظفت حساسات الكام وحساسات الشكمان. وبالنسبة للقير امورها مرة طيبة بدون نتعات اغير زيتها ATF في وكالة الجبر. ~~ 3 - العضلات : منفوضة نفض من والى وسويت لها صيانة في رمضان وغيرت علبة الدركسون واربعة مساعدات مع الكراسي وعكوس امامية وطقم مقصات وطقم اقمشة وطقم هوبات وطقم رمان بلي وطقم كفرات، باختصار العضلات يا ذكر الله ومركب لها برضوا من تحت صاجات ألمنيوم للحماية وعزل الارضية. ~~ 4 - المكيف : ثلج وعلى تسكيرة المصنع وقبل فترة غيرت زيت الكمبرويسر وغيرت الرديتر وغيرت الفلاتر. ~~ الموتر على السوم ونرجو عدم البخس واقبل البدل المناسب ويفضل لاند او ربع او لكزس